يحسدوني عليك

موضوع: يحسدوني عليك الأربعاء يناير 20, 2016 3:42 am

صباح الهلالي

يحسدوني عليك المادرو بيه
جرف حاضن لجاري واماحضه بميه
يرد جغ ايدي خالي وضلعي كصه الروج
والناعور يغرف بيك ليليه
احرس للصبح عن لا تبوكك عين
وتفك الباب بيدك للحرامية
مو كلمن حلو من تعاشره يوافيك
يمكن مو حلو وما مقتنع بيه
مرات العسل للناس سم يصير
والحنظل دوه والنار حنيه
شوف انته بجمالك ياهو ليجاريك
وشوف شلون كلبك كلب زهديه
ضعيف آنه اعترف وضلوعي محسوبات
بس واضح وياك وصافيه النيه
صحيح آنه اهلي فقره وثوبي شكه العوز
بس وداعتك جن املك الدنيه
اختاريتك اهل من دون كل الناس
وك ياهو الكدر يختار اهاليه
لو كلمن عشك ناعم اتهنه وياه
عفتك من زمان ورافكت حيه
جذع ميت وانطرك روح وين تروح
الشمس لازم تجيبك تكعد ابفيه

» هل يصح أن يقال توكلت على الله ثم عليك؟
» كلما احسست ان الدنيا ضاقت عليك...